Bible Home Member Technologies GitHub LinkedIn
2:Wandijo 2:Mwanzo 2:Genesis
1.

Sukuma: Hūna lūūlū, ī ligūlū nī sī shūbiza shamala ū kūbeejiwa, na a mabità gose ayo galīmo.

Swahili: Basi mbingu na nchi zikamalizika, na jeshi lake lote.

English: Thus the heavens and the earth, and all the host of them, were finished.

2.

Sukuma: Ū mu lūshikū lwa mpugatī, ū Mulungu ūsangwa wamalile ū kūtūmama; hūna lūūlū wifuula ī milīmo yakhe pyī ī yose.

Swahili: Na siku ya saba Mungu alimaliza kazi yake aliyoifanya; akastarehe siku ya saba, akaacha kufanya kazi yake yote aliyoifanya.

English: And on the seventh day God ended His work which He had done, and He rested on the seventh day from all His work which He had done.

3.

Sukuma: Ū Mulungu ūlūfuuha ū lūshikū lwa mpungatī, ūlweeja; nguno ū mu lūshikū lwenūlo akifuula pyī ī milīmo yakhe īyo akabeeja mu kaseemele kakwe.

Swahili: Mungu akaibarikia siku ya saba, akaitakasa, kwa sababu katika siku hiyo Mungu alistarehe, akaacha kufanya kazi yake yote aliyoiumba na kuifanya.

English: Then God blessed the seventh day and sanctified it, because in it He rested from all His work which God had created and made.

4.

Sukuma: Ū būsombooji ūbū būlī bo mihayo ya shiseeng'wa sha ng'wigūlu na mu sī gīt'umo shikabeegejiwa. Ū SEEBA Mulungu aho wamala kūseema ī sī nī ligūlū,

Swahili: Hivi ndivyo vizazi vya mbingu na nchi zilipoumbwa, siku ile BWANA Mungu alipofanya nchi na mbingu.

English: This is the history of the heavens and the earth when they were created, in the day that the LORD God made the earth and the heavens.

5.

Sukuma: Shaalī shitīho sha kūzwa mu matogolo; ī sī yalī ītī na ntī nūūlū gūmò, nguno ū SEEBA Mulungu walī ataalī ū kwīyīta ī mbula ītūle a ha sī. Hama nīyo walī atīho munhū wa kwīlīma ī sī.

Swahili: Kabla ya mmea wowote wa shamba kuwapo duniani, wala kabla ya majani yoyote ya shamba kuota; kwa maana BWANA Mungu hakuwa ameinyeshea nchi mvua, wala hapakuwa na mtu wa kuilima ardhi.

English: Before any plant of the field was in the earth and before any herb of the field had grown. For the LORD God had not caused it to rain on the earth, and there was no man to till the ground.

6.

Sukuma: Gwike jalīho nzwīlo jenhaga minzī kūfuma mu gatī ya sī, bobiza ho būdoto a ha sī.

Swahili: Lakini ukungu ulipanda kutoka katika nchi, ukainywesha uso wote wa ardhi.

English: But a mist went up from the earth and watered the whole face of the ground.

7.

Sukuma: Hūna lūūlū ū SEEBA Mulungu ūmeeja munhū kūfuma mu malongo ga ha sī; ūng'haahīla myūyī ya būpanga ū mu mūūlū gakwe ū munhū ng'wenūyo, ūbiza mpanga.

Swahili: BWANA Mungu akamfanya mtu kwa mavumbi ya ardhi, akampulizia puani pumzi ya uhai; mtu akawa nafsi hai.

English: And the LORD God formed man of the dust of the ground, and breathed into his nostrils the breath of life; and man became a living being.

8.

Sukuma: Ū SEEBA Mulungu walī wagolanya ngūnda ipandī lya kīya, mu Edeni; ūntūūla ng'wenūmo ū munhū ūyo akamūmba.

Swahili: BWANA Mungu akapanda bustani upande wa mashariki wa Edeni, akamweka humo mtu aliyemfanya.

English: The LORD God planted a garden eastward in Eden, and there He put the man whom He had formed.

9.

Sukuma: Na lūūlū, ū SEEBA Mulungu wīyinha ī sī būdūla bo kūzwisha mitī ya būlī mbika; mitī misoga kūlola, na yawiza kūlyiwa. A ha gatī ya ngūnda ūtūūla ho ntī gwa būpanga, na ntī gwa kūmana misoga na mibi.

Swahili: BWANA Mungu akaotesha katika ardhi kila mti unaopendeza kwa macho na mzuri kwa chakula; na mti wa uzima katikati ya bustani, na mti wa ujuzi wa mema na mabaya.

English: And out of the ground the LORD God made every tree grow that is pleasant to the sight and good for food. The tree of life was also in the midst of the garden, and the tree of the knowledge of good and evil.

10.

Sukuma: Mongo gwahūūmaga kūfuma ū mu Edeni gwitīīla minzī ū mu ngūnda. Nīyo ū mongo gwenūyo gwalī gūgabanīkile matambī anè, kwīngīīla haho henaho yilonga myongo īnè.

Swahili: Mto ukatoka Edeni wa kuinywesha bustani, na kutoka huko ukagawanyika na kuwa mito minne.

English: Now a river went out of Eden to water the garden, and from there it parted and became four riverheads.

11.

Sukuma: Ū go kwandya ū mu myongo yenīyo ī lina lyago gwalī Pishoni, gwalī gūbītīlile mu sī ya Havila, sī ya zahabu; gūūbīta ū mu sī yenīyo gūkūtūlaga kuluba, kūshisha gūūkafuma.

Swahili: Jina la wa kwanza ni Pishoni; huo ndio unaozunguka nchi yote ya Havila, ambako kuna dhahabu.

English: The name of the first is Pishon; it is the one which skirts the whole land of Havilah, where there is gold.

12.

Sukuma: Ī zahabu ja mu sī yenīyo jalī niza no, jalīmo na delamu na lapisi lazuli.

Swahili: Na dhahabu ya nchi hiyo ni nzuri; huko kuna bedola na jiwe la shohamu.

English: And the gold of that land is good. Bdellium and the onyx stone are there.

13.

Sukuma: Ū go kabīlī gwitanagwa Gihoni, nū gwene gwalī gūjile gūkūtūlaga kuluba kūbītīla mu sī ya Kushi

Swahili: Jina la mto wa pili ni Gihoni; huo ndio unaozunguka nchi yote ya Kushi.

English: The name of the second river is Gihon; it is the one which goes around the whole land of Cush.

14.

Sukuma: Ū gwa kadatū gwitanagwa Hidekeli, ū goyi gūtūlile kuluba kūja kīya ya sī ya Ashulu. Lelo ū gwa kanè gwalī Flati.

Swahili: Jina la mto wa tatu ni Hidekeli; huo ndio unaopita upande wa mashariki wa Ashuru. Na mto wa nne ni Frati.

English: The name of the third river is Hiddekel; it is the one which goes toward the east of Assyria. The fourth river is the Euphrates.

15.

Sukuma: Ū SEEBA Mulungu ūnsola ū munhū, ūntūūla ū mu ngūnda gwa Edeni gīkī ayūgūlīma na kūgūlang'hana.

Swahili: BWANA Mungu akamtwaa huyo mtu, akamweka katika bustani ya Edeni ailime na kuitunza.

English: Then the LORD God took the man and put him in the garden of Eden to tend and keep it.

16.

Sukuma: Hūna ū SEEBA Mulungu ūnagīla ū munhū alīhaya gīkī, “Ūdūgije kūlya matwajo ga ntī gose gose ū mu ngūnda.

Swahili: BWANA Mungu akamwamuru huyo mtu, akisema, Matunda ya kila mti wa bustani waweza kula;

English: And the LORD God commanded the man, saying, “Of every tree of the garden you may freely eat;

17.

Sukuma: Alīyo yaya ū kūgalya a matwajo ga ntī gwa kūmana misoga na mibi; nguno ūlū ūūgalya ūkūcha gete!

Swahili: Walakini matunda ya mti wa ujuzi wa mema na mabaya usile, kwa maana siku utakapokula matunda ya mti huo utakufa hakika.

English: But of the tree of the knowledge of good and evil you shall not eat, for in the day that you eat of it you shall surely die.

18.

Sukuma: Hūna ū SEEBA Mulungu ūhaya gīkī, “Ītī yawiza ū ngosha ikale iyene, nakūmeegeja ng'wiye wa kūngunanha.”

Swahili: Kisha BWANA Mungu akasema, Si vema huyo mtu awe peke yake; nitamfanyia msaidizi wa kufanana naye.

English: And the LORD God said, “It is not good that man should be alone; I will make him a helper comparable to him.”

19.

Sukuma: Ū SEEBA Mulungu walī wamala kūbeeja kūfuma mu malongo ga ha sī, pyī ī shiinū ja mu matogolo, nī noni ja higūlya. Hūna lūūlū wandya kūjenha ū kūlī Adamu gīkī abone a mina ayo akūjinha; ū Adamu ūmo akashitanīla būlī shiseeng'wa, ī lyenīlo hū līkabiza lina lyasho.

Swahili: BWANA Mungu akafanyiza kutoka katika ardhi kila mnyama wa mwituni, na kila ndege wa angani, akamletea Adamu ili aone atawaitaje; kila kiumbe hai, jina aliloliita Adamu likawa ndilo jina lake.

English: Out of the ground the LORD God formed every beast of the field and every bird of the air, and brought them to Adam to see what he would call them. And whatever Adam called each living creature, that was its name.

20.

Sukuma: Na ng'hana ū Adamu ūjinha mina pyī ī mitugo, nī noni ja hape, hamò nī ndimu, nī shiinū ja mu matogolo. Alīyo ū Adamu atapandīkile ng'wiye wa kwigeleelwa kūngunanha.

Swahili: Adamu akawapa majina yao wanyama wote wa kufugwa, na ndege wa angani, na wanyama wote wa mwituni; lakini hakuonekana msaidizi wa kufanana naye.

English: So Adam gave names to all cattle, to the birds of the air, and to every beast of the field. But for Adam there was not found a helper comparable to him.

21.

Sukuma: Hūna ū SEEBA Mulungu ūnaalīkīja ū Adamu tūlo nhaale. Aho alaalile ūng'wīngīja iguha līmò lya mu lūbazu, ūtūūla maanda a ha ng'wanya ūyo gūkalekwa.

Swahili: BWANA Mungu akamletea Adamu usingizi mzito, naye akalala; akatwaa ubavu wake mmoja, akafunika nyama mahali pake;

English: And the LORD God caused a deep sleep to fall on Adam, and he slept; and He took one of his ribs, and closed up the flesh in its place.

22.

Sukuma: Ū SEEBA Mulungu ūlībeeja nkīma ī liguha lya lūbazu īlo akang'wīngīja ū Adamu, hūna ūng'wenha ū nkīma a halī Adamu.

Swahili: Na ule ubavu alioutwaa katika Adamu BWANA Mungu akaufanya mwanamke, akamleta kwa Adamu.

English: Then the rib which the LORD God had taken from man He made into a woman, and He brought her to the man.

23.

Sukuma: Ū Adamu ūhaya gīkī, “Ūyū ng'wene iguha lya mu maguha gane, na mīlī gwane nene ng'wenīkīlī gete; akwitanwa ‘nkīma;’ nguno afumile mulī ngosha.”

Swahili: Adamu akasema, Sasa huyu ni mfupa katika mifupa yangu, na nyama katika nyama yangu; basi ataitwa mwanamke, kwa maana ametwaliwa katika mwanamume.

English: And Adam said: “This is now bone of my bones and flesh of my flesh; she shall be called Woman, because she was taken out of Man.”

24.

Sukuma: Kūlwa nguno yenīyī, ū ngosha akūbaleka a ba ise na nina adimane na nke wakwe; ū mu būbīlī wabo bakūbiza mīlī gūmò.

Swahili: Kwa hiyo mwanamume atamwacha baba yake na mama yake, naye ataambatana na mkewe, nao watakuwa mwili mmoja.

English: Therefore a man shall leave his father and mother and be joined to his wife, and they shall become one flesh.

25.

Sukuma: Ū Adamu nū nke baalī dūūhū, alīyo baalī batī na minala.

Swahili: Nao walikuwa uchi wote wawili, Adamu na mkewe, wala hawakuona haya.

English: And they were both naked, the man and his wife, and were not ashamed.





An unhandled error has occurred. Reload 🗙